- Inicie sesión para enviar comentarios
Miranda visita a Federación Venezolana de Galicia , para coñecer o estado da campaña de recollida de medicamentos que está a realizar esta entidade con asociacións de todo o territorio galego con el apoyo de todas las Asociaciones Miembro en Galicia
O secretario xeral da Emigración, Antonio Rodríguez Miranda, visitou nas últimas horas a sede da Federación Venezolana de Galicia, Fevega, para coñecer o desenvolvemento da campaña de recollida de medicamentos que esta entidade está a realizar para enviar ao país suramericano.
Tal e como recordou o secretario xeral, a Xunta de Galicia está a colaborar con esta entidade no envío de todas estas doazóns, que se están a realizar por toda a comunidade autónoma coas distintas asociacións de venezolanas e venezolanos, co obxectivo de axudar a unha poboación galega en Venezuela xa moi afectada por unha delicada situación económica e social á que hai que unir a actual pandemia da covid-19.
As entidades colaboradoras nesta iniciativa son a Asociación Socio Cultural Deportiva “Amigos de Venezuela en Vigo”, a Asociación de Venezolanos del Deza, a Asociación Ourensá Venezolana “Alma Llanera”, a Asociación Socio Cultural de Venezolanos de Santiago (AVESANTI) e a Hermandad Venezolana das Rías Baixas.
Este envío de Fevega será canalizado a través da Hermandad Gallega de Venezuela. Neste senso, cabe agradecer o labor da Hermandad Gallega de Venezuela e das outras tres entidades de galegas e galegos no país (o Centro Galego de Maracaibo, o de Puerto La Cruz e a Hermandad Gallega de Valencia), por ser o vehículo que permite á autonomía galega chegar ata as persoas que máis o necesitan.
Ademais de medicamentos, o envío tamén contará con outros produtos de tipo sanitario moi necesarios e de difícil acceso en Venezuela como é o material ortopédico, ou cueiros para persoas dependentes.
A colaboración no envío desta recollida de medicamentos solidarios lévase a cabo xunto con outras accións directas por parte da Secretaría Xeral da Emigración co obxectivo de aportar axudas sociais para as e os galegos residentes en Venezuela, tanto de tipo económico como facilitando medicamentos, e sempre en colaboración coas entidades sociais galegas no país.
Colaboración anual con FEVEGA
O secretario xeral aproveitou a visita tamén para facer balance da colaboración con FEVEGA durante o ano 2020, que aínda que foi complicada pola pandemia, posibilitou desenvolver actividades de información a persoas retornadas desde as oficinas que ten a Federación en distintos puntos de Galicia e tamén a realización de accións formativas que facilitan a acollida das e dos retornados e as súas familias. Esta colaboración con FEVEGA complementa a acción das Oficinas de asesoramento e seguimento ao retornado da propia Secretaría Xeral de Emigración.
Selecion y embalaje
A Secretaria Xeral de Emigración recorda que se trata dunha acción solidaria na que a Xunta colabora no envío e que complementa a acción directa de axuda en Venezuela que tamén alí conta coa implicación dos centros galegos no país.
O secretario xeral aproveitou a visita tamén para facer balance da colaboración con esta entidade durante o ano 2020,que posibilita a información a retornadas e retornados e actividades formativas de acollida, complementando a acción das Oficinas de asesoramento e seguimento da propia Secretaría Xeral.
OFICINAS DE LA FEDERACIÓN VENEZOLANA DE GALICIA (FEVEGA) EN GALICIA:
*OFICINA EN VIGO
CALLE PINO 56, BAJO, CP. 36206 VIGO-PONTEVEDRA
TELÉFONOS 986094894 /682084970 - CORREO ELECTRÓNICO: fevega.vigo@gmail.com
*OFICINA EN LUGO
CALLE MONTERO RÍOS 69, ENTREPISO, CP 27002 LUGO
TELÉFONOS 986094894 / 604070371- CORREO ELECTRÓNICO: fevega.lugo@gmail.com
*OFICINA EN ORENSE
CALLE PROGRESO 89-91 (GALERIAS PROYFLEM, LOCAL 4B), CP 32003 ORENSE
TELÉFONOS 988545150 / 664523879 - CORREO ELECTRÓNICO: fevega.orense@gmail.com
